|
Poesia inviata da PASQUALE SCIARROTTA (Argentina)
A chulli tiempi un si potie campare
Senza nu ciucciu e senza na crapuzza
Oie un si sente mancu chiù ragliare
Però di sente la puzza e da benzina
Mmastu, capizza, fierri, e petturale
U n'ere mancu nu grande spisatu
e senza portafogliu ntru cusciadu
Tre bote a l'annu tu l'avie ferrare
Carduni, paglie, e fienu si mangiae
E appuzzaie a l'acqua e du vivieru
Ntru stierru luodu illu si vrugliae
E lu serbatoiu un n'eremai vacantu
Quanta pacienza aviunu s'animadi!
Rituni, ligne, e sacchi e ranu
Ppe trembe, cuozzi, vuoschi e ppe cugnali
A nnullu pizzuc'era mai luntanu
Quannu alla stalla tu alla matina jie
U lu trovai mai adormisciutu
Ne cavudu ne friddu li facie
Un n'e re mai stancu ne incrisciutu
U jie a pigliare ppe jire fore
U mmastu e la capizze li mintie
Ppe jire a l'uortu aducquare e pimmadore
Quanta litame tu a carricatu
Quannu a zappare a vigna tu si jiutu
Raru chine ojie priestu si su misi
U jiurnu ntra nu liuttu ammunzellati
Ne banu a ligne e ne alli maisi
I giuvanotti ojie amancipati!
ENZO TUCCI ha voluto aggiungere qualcosa di suo a questa poesia:
Quantu litame tu a carriatu
Quannu a zappare a vigna tu si jutu!
E quantu sarme e ligne ta incollato!
Tre pampine e nianu sa cogliutu.
A cavuci ntrha thrippa l'ha pigliatu,
Pure ntrhe costarizze l'ha punciutu.
Pensannu ca si fosse zillicatu,
Invece illu nterra tha sbattutu.!
Na crapa arrieti u ciucciu ccu lu cane,
A na menzina a gaccia e lu zappunu,
A natrha u varrilicchiu e lu panuru
Ntrha virtula na truscia ccu lu pane.
Na vota chi tu "II" l'avie dittu
A camminare illu si mintie.
Na ricchia arrieti e l'atrha ppe derittu,
Mbrunannu a sira tu ti ricoglie.
Na carriatu ranu, paglia e fienu!
Sacchi e litama e sarme e ligne ncuollu!
Nessunu tannu ni potie fare a menu!.
Si "ISC" tu dicie, illu appuntave.
Ere azzollatu e musche e de tavani,
S'avie na ciuccia a foja illu ragliava,
Vi lati già scordutu oji! PAISA'?
I tiampi ojie invece su cangiati,
i ciucci l'hannu fatti a mortatella.
Oji cicciariellu miu fatigaturu!
Chi bruttu scarminu chi tiegnu ntrha lu core!
Pecchì tavimu tantu maltrattatu?
Si io ojie nu pullitriellu avisse,
Chissà quantu biafa li dunasse!
Iu cumu a vista e l'uocchi mu criscisse
E mai cavuci ntrha trippa li minasse.
Allu viviaru e l'acqua frisca luportasse,
ntrha stalla pura a doccia li facisse.
E a leire e scrivere u mparasse.
|
